प्रधानमन्त्रीले गरे राष्ट्रपतिसँग भेटवार्ता, ४ बजे मन्त्रिपरिषद् बैठक बस्दै
Prime Minister KP Sharma Oli briefing President Bidya Devi Bhandari about his visit to India at the latter’s Office in Sheetal Niwas on Thursday, February 18, 2016. Photo: RSS
काठमाडौं , मंसिर १८ । प्रधानमन्त्री केपी शर्मा ओलीले बिहीबार दिउँसो राष्ट्रपति विद्यादेवी भण्डारीसँग भेटवार्ता गरेका छन्।
बालुवाटारबाट शीतल निवास पुगेर ओलीले राष्ट्रपति भण्डारीसँग संवाद गरेका हुन्। नेकपाको विवादलाई लिएर कार्यकारी अध्यक्ष पुष्पकमल दाहाल प्रचण्डसहितले आफूलाई घेराबन्दी गरेको पृष्ठभूमिमा ओलीले राष्ट्रपतिलाई भेटेका हुन्।
ओलीको सचिवालयले यो भेटलाई नियमित भनेको छ। बहुमतका नाममा आफूविरुद्ध षडयन्त्र गरेको भन्दै ओली बुधबार बसेको सचिवालय बैठकमा सहभागी भएनन्। उनले महाधिवेशन नभएसम्म बहुमत(अल्पमतको खेल गर्न नहुने अडान लिएका छन्। पार्टीभित्रको विवाद उत्कर्षमा पुगेको समयमा भएको यो भेटलाई अर्थपूर्ण रूपमा हेरिएको छ ।
ओलीले राष्ट्रपतिलाई भेटेपछि आजै अपरान्ह ४ बजे मन्त्रिपरिषद् बैठक पनि बस्ने भएको छ। मन्त्रिपरिषद्का एजेन्डाबारेमा केही पनि सार्वजनिक गरिएको छैन।
प्रतिक्रिया दिनुहोस्