च्याम्पियन्स लिगमा आज आठ खेल हुँदै, को- को भिड्दै छन् ?

काठमाडौं , मंसिर १६ । च्याम्पियन्स लिगमा आज आठ खेल हुँदैछन् । च्याम्पियन्स लिग फुटबल अन्तर्गत आज (मंगलबार) विभिन्न आठ खेलहरु हुने भएका हुन् । एट्लेटिकाको घरेलु मैदानमा हुने दुई टोलीबीचको खेल नेपाली समयअनुसार राति १ः४५ मा सुरु हुनेछ ।

आज हुने खेलमा साविकको विजेता टोली वायर्न म्युनिखले एट्लेटिको मड्रिडसँग प्रतिस्पर्धा गर्दैछ । आजको खेलमा जित निकाल्दै एट्लेटिको अघिल्लो चरण प्रवेशका लागि आफूलाई बलियो बनाउने योजनामा रहेको छ ।

एट्लेटिकोले आजको खेलमा जित निकाल्न सकेमा आफूलाई ८ अंकका साथ अघिल्लो चरण प्रवेशका लागि बलियो बनाउने छ । यता लगातार चार खेलमा जित निकालेको वार्यन आजको खेलमा पनि जित निकाल्दै लिगको समूह चरणको पाँचौ खेलमा जित निकाल्ने दाउमा रहेको छ ।

यस्तै आज नै हुने अर्को खेलमा स्पेनिस क्लब रियल मड्रिडले साख्तर डोनेस्तेकसँग प्रतिस्पर्धा गर्दैछ । लिगको पाँचौ खेल खेल्न लागेको रियललाई अघिल्लो चरण प्रवेसका लागि आजको खेल जित्नै पर्ने दबाब छ । आजको खेमला जित निकाल्न सकेमा रियलको अघिल्लो चरण प्रवेश सम्भावना बलियो बन्ने छ ।

समूह बी अन्तर्गत आज हुने अर्को खेलमा इन्टर मिलानले मोन्चे गल्बच्चासँग प्रतिस्पर्धा गर्दैछ । त्यस्तै प्रिमियर लिग च्याम्पियन लिभरपुलले आयाक्ससँग खेल्ने छ । खेल निकै प्रतिस्पर्धात्मकका हुने भएका छन् ।