भाइटीका र नेपाल संवतका अवसरमा राष्ट्रपति र प्रधानमन्त्रीले दिए यस्तो शुभकामना
काठमाडौं , मंसिर १ । भाइटीका तथा नेपाल संवत ११४१ को अवसरमा अवसरमा राष्ट्रपति, प्रधानमन्त्रीलगायत विभिन्न दलका नेताहरुले शुभकामना दिएका छन् ।
राष्ट्रपति विद्यादेवी भण्डारीले तिहार पर्वले सम्पूर्ण नेपालीबीच आपसी सद्भाव, सहिष्णुता र भ्रातृत्वको भावना अभिवृद्धि गर्दै राष्ट्रिय एकतालाई थप सुदृढ बनाउन मद्दत पुर्याउने विश्वास व्यक्त गरेकी छन् ।
नेपाल संवत् ११४१ ले समाजको उन्नति र प्रगतिका लागि निःस्वार्थ भावले अग्रसर रहन सबैमा प्रेरणा मिल्ने विश्वास व्यक्त उनले गरिकी छन् ।उनले यस संवतले सम्पूर्ण नेपालीका बीचमा आपसी सद्भाव, सहिष्णुता र बन्धुत्वको भावना अभिवृद्धि गरी राष्ट्रिय एकता सुदृढ गर्न थप मद्दत पुग्ने विश्वास व्यक्त गरेकी छन् ।
यस्तै प्रधानमन्त्री केपी शर्मा ओलीले चाडपर्वले सामाजिक सद्भाव कायम राख्न सहयोग गर्ने बताएका छन् ।उनले स्वास्थ्य सावधानका उपाय अपनाएर भाइटीका तथा नेपाल संवत नयाँ वर्ष मनाउन पनि आग्रह गरेका छन् ।
त्यसैगरी पूर्व प्रधानमन्त्रीहरु पुष्पकमल दाहाल, माधव नेपाल, शेरबहादुर देउवा र बाबुराम भट्टराई लगायतका नेताहरुले पनि नेपाल संवतको उपलक्षमा शुभकामना व्यक्त गरेका छन् ।
प्रतिक्रिया दिनुहोस्