भारतीय सेनाध्यक्षविरुद्ध गौसालामा काँग्रेस वीपीको कालो झन्डा देखाइ विरोध प्रदर्शन, (भिडियोसहित)
काठमाडौं, कार्तिक २० । भारतीय सेनाध्यक्ष मनोज मुकुन्द नरवणेको नेपाल भ्रमणको विरोध गर्दै नेपाली काँग्रेस (वी पी) ले कालो झण्डा देखाइ विरोध प्रदर्शन गरेको छ ।
नेपालको कालापानी, लिपुलेक र लिम्पियाधुरा सम्बन्धि आपत्तिजनक अभिव्यक्ति दिने भारतीय स्थल सेनाध्यक्ष मनोजमुकुन्द नरवणेविरुद्ध राजधानीको गौसालामा कालो झण्डा देखाइ विरोध प्रदर्शन गरिएको हो ।
नेपाल भ्रमण तथा नेपाली सेनाको महार्थ महारथिको पदवी दिने कार्यप्रति आपत्ति जनाउँदै पसुपतिमा नरवणेले दर्शन गर्दै गर्दा नेपाली काँग्रेस (वी पी) का महामन्त्री पुष्पराज पराजुलीको नेतृत्वमा रहेको नेपाली काँग्रेस (वी पी) का नेताकार्यकर्ताले विरोध गर्दै कालो झण्डा प्रदर्शन गरेका हुन ।
भेला भएका व्यक्तिहरुले नेपालको सार्वभौमिकताको अपमान गर्ने सेनापतिलाई सरकारले किन निम्त्यायो भन्ने विषय आश्चर्यजनक भएको महिला केन्द्रीय सदस्य धना आचार्य महिला केन्द्रीय सदस्य धना आचार्यले बताए । उनले नरवणेले सीमा विवाद चर्किएका वेला चीनतर्फ इंगित गर्दै नेपालले कसैको इसारामा लिपुलेकको मुद्दा उचालेको टिप्पणी गरे।
नेपाली काँग्रेस (वी पी) को भोलि पनि बिरोध गर्ने कार्य तालिका रहेकोे छ ।
प्रतिक्रिया दिनुहोस्