माछापुच्छ्रे बैंकको एटीएम मेसिन तोडफोड गर्न खोज्ने युवक पक्राउ

काठमाडौं, कार्तिक १४ । एटीएम मेसिन तोडफोड गर्न खोज्ने युवक पक्राउ परेका छन् । तनहुँको व्यास नगरपालिका-४ ट्राफिक चोकस्थित माछापुच्छ्रे बैंकको एटीएम बक्स तोडफोड गर्दै गरेको अवस्थामा प्रहरीले ति युवकलाई पक्राउ गरेको हो ।

पर्साको पटेर्वा सुगौली गाउँपालिका(२ रंगपुरटाढी घर भएका १९ वर्षीय किरण बानियाले पैसा लुट्न एटीएमको पिनहरू स्क्रुपको सहायताले खोल्दै गरेको अवस्थामा प्रहरीले फेला पारेको थियो ।

उनको साथबाट प्रहरीले लागू औषध १ सय ३५ ट्याब्लेट नाइट्राभेट पनि बरामद गरेको छ । उनले प्रयोग गरेको ग ११ प ९९६५ नम्बरको मोटरसाइकल सहित उनलाई पक्राउ गरेको र अनुसन्धान भइरहेको जिल्ला प्रहरी कार्यालय तनहुँले जानकारी दिएको छ ।