नेकपा केन्द्रीय कमिटी बैठक मंसिर १५ सम्मलाई सर्यो, कारण यस्तो छ
काठमाडौँ, कार्तिक १२ । सत्तारुढ नेपाल कम्युनिस्ट पार्टी (नेकपा) केन्द्रीय कमिटी बैठक मंसिर १५ गतेसम्मका लागि स्थगित भएको छ ।
नेकपा पार्टी केन्द्रीय कार्यालयका सचिव श्रीराम ढकालल र इश्वरी रिजालले बुधवार एक विज्ञप्ति प्रकाशित गरी केन्द्रीय कमिटी बैठक स्थगित भएको जानकारी दिएका हुन् ।
‘नेपाल कम्युनिस्ट पार्टी ९नेकपा० को २०७७ कात्तिक १५ देखि १७ गतेसम्म आयोजना गरिएको केन्द्रीय कमिटीको तेस्रो बैठक कोभिड–१९ महामारीको बढ्दो प्रकोपका कारण हाललाई स्थगित गरिएको छ । स्थगित बैठक यही २०७७ मंसिर १५ देखि १७ गते आयोजना गरिने छ,’ विज्ञप्तिमा भनिएको छ ।
गत भदौ महिनामा सम्पन्न स्थायी कमिटी बैठकले पारित गरेका एजेण्डामाथि छलफल तथा चैत्र महिनामा गर्ने भनिएको महाधिवेशनको तयारीका लागि केन्द्रीय कमिटीको बैठक बोलाइएको थियो ।
पार्टीभित्रको विवाद बढ्दै गएको समयमा नेकपाका एकचौथाई केन्द्रीय सदस्यले हस्ताक्षर गरेर केन्द्रीय कमिटी बैठक माग गरेका थिए ।
प्रतिक्रिया दिनुहोस्