सनराइज बैंकले गर्यो नेपाल बालमन्दिरलाई यति ठुलो सहयोग

काठमाडौं, असोज २३ । । सनराइज बैंकले नेपाल बालमन्दिरलाई सहयोग गरेको छ । बैंकले आफ्नो १३ औं वार्षिकोत्सवको अवसरमा बालमन्दिरमा सहयोग गरेको हो । आफ्नो संस्थागत सामाजिक उत्तरदायित्व अन्तर्गत शुक्रबार बालमन्दिरलाई सहयोग गरेको बैंकले जनाएको छ ।

बैंकले सधैझै आफ्नो वार्षिकोत्सवमा नेपाल बाल संगठनलाई आवश्यक खाद्यसामाग्री, लत्ताकपडा आदि वितरण गदै आएकोमा यस वर्ष कोभिड १९ को कठिन समयलाई मध्यनजर गदै उक्त सामाग्रीहरु किन्नको लागि नगद एकलाख पचास हजार रुपैंया आर्थिक सहयोग गरेको छ ।

बैंकका प्रमुख कार्यकारी अधिकृत जनक शर्मा पौड्यालले बैंकको प्रमुख कार्यालय गैरीधारामा भएको एक कार्यक्रमकाबीच नेपाल बालसंगठन, बालमन्दिरका अध्यक्ष श्रीमती विद्या उपाध्याय न्यौपानेलाई चेक हस्तान्तरण गरेका छन् ।

प्रमुख कार्यकारी अधिकृत पौड्यालले बैंकको १३ औ वार्षिकोत्सवको अवसरमा सामाजिक उत्तरदायित्व अन्तर्गत विभिन्न क्षेत्रमा सहयोग कार्य निरन्तर गरिरहने जनाएका छन् ।बाल हेरचाह, अनाथ, पिछडिएको, द्वन्द्व प्रभावित आदि बच्चाहरूको लागि शिक्षामा केन्द्रित सो संस्थालाई आउँदा वर्षमा पनि सहयोग गर्दै जाने प्रतिबद्धता व्यक्त गरे ।