मास्क लगाउनेबारे डब्लुएचओको नयाँ सुझाव, गर्यो यस्तो आग्रह
काठमाडौं, भदौ ७ । कोरोना महामारीबाट बच्न मास्क लगाउने विषयमा विश्व स्वास्थ्य संगठन (डब्लुएचओ) ले १२ वर्षदेखि माथिका बालबालिकाका लागि नयाँ निमय जारी गरेको छ ।
डब्लुएचओले जुन नियम वयस्क व्यक्तिका लागि लागू गरिएका छन्, ती नियम १२ वर्षदेखि माथि उमेरका बालबालिकालाई पालना गराउन आग्रह गरेको हो ।
शीर्ष स्वास्थ्य अधिकारीले बच्चाले भाइरस कति फैलाउँछन् भन्ने कुरा अहिलेसम्म स्पष्ट भइनसकेको स्वीकार गरेको छ, तर किशोर उमेरकाले वयस्क व्यक्तिले जत्तिकै भाइरस फैलाउँछन् ।
डब्लुएचओका अनुसार ५ वर्षदेखि मुनि उमेरका बालबालिकाले भने मास्क लगाउन आवश्यक छैन । तर ६ वर्षदेखि ११ वर्षसम्मका बालबालिकालाई भने अभिभावकले मास्क लगाउन र फुकाल्नमा सहयोग गर्न डब्लुएचओले सुझाव दिएको छ ।
साथै डब्लुएचओले ६० वर्षभन्दा कम उमेरका मानिसले कपडाको मास्क लगाउँदा पनि हुने तर यसभन्दा माथि उमेरका तथा रोगले ग्रस्त व्यक्तिले भने मेडिकल मास्क लगाउनुपर्ने सुझाव दिएको छ । स्रोत स् बिबिसी
प्रतिक्रिया दिनुहोस्