लक्ष्मी बैंकले दोलखामा विस्तार गर्‍यो २ नयाँ एक्सटेन्सन काउण्टर

ठमाडौं , साउन २९ । लक्ष्मी बैंकले दोलखामा २ नयाँ एक्सटेन्सन काउण्टर शाखा विस्तार गरेको छ । बैंकले आफ्नो शाखा संजाल विस्तार गर्ने क्रममा छैटौं र सातौँ एक्सटेन्सन काउण्टर दोलखामा स्थापना गरेको हो ।

बैंकले छैटौं एक्सटेन्सन काउण्टर दोलखाको तामाकोशी गाँउपालिका–वडा न. ३, जाफेमा स्थापना गरेको छ भने सातौँ एक्सटेन्सन काउण्टर कालिञ्चोक गाँउपालिका–वडा न. ८, सुनखानीमा स्थापना गरी संचालनमा ल्याएको जनाएको छ ।

यी २ नयाँ एक्सटेन्सन काउण्टरका स्थापनासँगै लक्ष्मी बैंकको संजाल ४८ जिल्लामा १२१ शाखा, ७ एक्सटेन्सन काउण्टर, ४ हस्पिटल सेवा काउन्टर, १५१ एटिएम, २५०० भन्दा बढि रेमिटेन्स् एजेन्ट तथा ६१ शाखा रहित बैंंकिङ एजेन्टहरु पुगेको छ । शाखा विस्तार भएसँगै अब सेवामा सहज हुने भएको छ ।