आज थप चार सय ६४ जनामा संक्रमण पुष्टि, संक्रमितको संख्या २२ हजार नाघ्यो, पाँच जनाको मृत्यु

काठमाडौं, साउन २३ । पछिल्लो २४ घण्टामा देशभरका प्रयोगशालामा गरिएको परीक्षणमा शुक्रबार थप चार सय ६४ जनामा संक्रमण पुष्टि भएको ।

योसमेत हालसम्म संक्रमित हुनेको संख्या २२ हजार दुई सय ४१ पुगेको स्वास्थ्य तथा जनसंख्या मन्त्रालयले जनाएको छ ।योअवधिमा चार सय २५ जना निको भएर डिस्चार्ज भएको मन्त्रालयका प्रवक्ता डा जागेश्वर गौतमले बताए ।

नेपालमा कोरोनाभाइरसका कारण थप पाँच जनाको मृत्यु भएको जानकारी स्वास्थ्य तथा जनसङ्ख्या मन्त्रालयले शुक्रवार अपराह्ण दिएको छ।यससँगै अहिलेसम्म कोभिडसँग सम्बन्धित कारणले मृत्यु हुने सङ्क्रमितको आधिकारिक सङ्ख्या ७० पुगेको छ।