कौटिन्होलाई यो साता ‘डेब्यू’ गर्ने तयारीमा बार्सिलोना

बार्सिलोना (एजेन्सी) । बार्सिलोनाले क्लबका नयाँ खेलाडी कौटिन्होलाई यो साता मैदान उतार्ने तयारीमा गरि रहेको छ । इस्पानियोलविरुद्ध शुक्रबार हुने कोपा डेल रे क्वार्टरफाइनलको दोस्रो लेगमा उनलाई परिवर्तित खेलाडीका रुपमा भएपनि उतार्ने योजनामा रहेको छ ।

कोपा डेल रेको अघिल्लो चरण पुग्न बार्सिलोनालाई जितको आवश्यकता रहेको छ । लिभरपुलका पूर्व स्टार कौन्टिहोले भने अझै बार्सिलोनाबाट डेब्यू गर्न बाँकी छ । चोटका कारण उनको ‘डेब्यू’ मा ढिलाई भएको हो । कोपा डेल रेको पहिलो लेगमा बार्सिलोना इस्पानियोलसँग पराजित भएको थियो ।

त्यस खेलमा लियोनल मेस्सी पेनाल्टी गोल गर्नबाट चुकेका थिए । अन्तिम समयमा गोल खाँदै बार्सिलोना १–० ले पराजित भएको थियो । १ सय ४२ मिलियन पाउन्डमा हालै क्लबमा भित्राइएका कौटिन्होको आगमनले टोलीको मिडफिल्डमा प्रभाव पार्ने बार्सिलोनाको अपेक्षा छ ।