कोरोना त्रास :२ सय २४ सांसदसहित ४ सय ४० जनाको रिपोर्ट नेगेटिभ

काठमाण्डौ , बैशाख २६ । बिहीबार पीसीआर विधिमार्फत कोरोनाको परीक्षण गराएका सांसदसहित ४४० जनाको रिपोर्ट नेगेटिभ आएको छ ।

राष्ट्रियसभाका ४५ र प्रतिनिधिसभाका १ सय ७९ गरी २ सय २४ जना सांसद र अन्य कर्मचारीको हिजो नमुना सङ्कलन गरेर पीसीआर विधिमार्फत कोरोना परीक्षण भएको थियो ।

सबैको रिपोर्ट नेगेटिभ आएको राष्ट्रियसभाका अध्यक्ष गणेश तिमिल्सिनाका प्रेस संयोजक अशोक पौडेलले जानकारी दिनुभयो । राष्ट्रिय सभाको आजको बैठकमा हिजो परीक्षण गराउनुभएका सांसद मात्रै सहभागी हुनुहुनेछ।

आज पनि सांसदको नमुना सङ्कलन गरिएको छ । उनीहरुको रिपोर्ट बेलुका मात्र आउने छ ।