लकडाउनको समय बैशाख ३ सम्म थप्ने सरकारको निर्णय

काठमाडौ, २४ चैत्र । लकडाउनको समय बैशाख ३ सम्म थप्ने सरकारको निर्णय भएको छ । भर्खरै सकिएको मन्त्रिपरिषद्को बैठकले लकडाउनको समय बैशाख ३ सम्म लम्ब्याउने निर्णय गरेको हो ।

विश्वब्यापी महामारी भई फैलिएको कोरोना भाइरस (कोभिड–१९)को रोकथाम तथा नियन्त्रणका लागि सरकारले यसअघि १० चैतदेखि १८ चैतसम्म लकडाउन घोषणा गरेको थियो । त्यसलाई फेरि बढाएर २५ चैतसम्म पुर्‍याइएको थियो र अहिले ८ दिन फेरी थपेर बैसाख ३ सम्म पुर्‍याइएको छ ।