ठुलै सवारी दुर्घटना , एकै परिवारका ११ जनाको मृत्यु

काठमाडौं, चैत १ , ठुलै सवारी दुर्घटना हुँदा एकै परिवारका ११ जनाको मृत्यु भएको छ ।
भारत राजस्थानको जोधपुरमा आज विहान भएको दुर्घटनामा एकै परिवारका एघार जनाको मृत्यु भएको छ । जीप र ट्रली एकआपसमा ठोक्किदा जीपमा सवार एघार जनाको घटनास्थलमै मृत्यु भएको हो ।

मृतकहरुमा ४ पुरुष ६ महिला र एक बच्चा रहेका छन् । घाइते तीन जनाको जोधपुर अस्पतालमा उपचार भैरहेको छ । नवविवाहित जोडीसहित रामदेवरा दर्शनका लागि निस्केको जीप दुर्घटनामा परेको हो ।

ठक्करपछि जीप ट्रलिको मुनि थिचिएको प्रहरीले जनाएको छ । दुर्घटनाप्रति भारतका प्रधानमन्त्री नरेन्द्र मोदीले गहिरो दुःख व्यक्त गरेका छन् ।