इटहरी गोल्डकप फुटबल प्रतियोगिता आज देखि …

काठमाडौं – मदन भण्डारीको स्मृतिमा इटहरी गोल्डकप फुटबल प्रतियोगिता आजबाट शुरु हुँदैछ । पूतियोगितामा ‘ए’ डिभिजन लिगका चार, मोफसलका दुई, भुटान र कोलकाताका गरी आठ टोलीको सहभागी रहेको छ ।

गोल्डकपको उद्घाटन राष्ट्रपति विद्यादेवी भण्डारीले गर्ने कार्यक्रम तय गरिएको छ । पहिलो दिन आज ललितपुरको थ्रीस्टार र एपीएफबीच प्रतिस्पर्धा हुँदै छ ।थ्रीस्टार धनगढीमा सम्पन्न सुदूरपश्चिम खप्तड गोल्डकपबाट मैदानमा फर्किएको हो । तर उसको पुनरागमनको यात्रा दोस्रो चरणमा रोकिएको थियो ।

धनगढीमा एपीएफ भने फाइनलमा आर्मीसँग टाइब्रेकरमा हारेको थियो । त्यसैले स्टार खेलाडीले भरिएको थ्रीस्टार र एपीएफबीचको खेल रोमाञ्चक हुने अपेक्षा गरिएको छ ।