आईसीसी महिला विश्वकप आजदेखि शुरु

काठमाडौं , फागुन ९ । आईसीसी महिला विश्वकप क्रिकेट आजदेखि शुरु हुँदैछ । अस्ट्रेलियामा भइरहेको विश्वकपको उद्घाटन खेलमा भारतीय महिला टोलीले घरेलु महिला टोलीको सामना गर्नेछ ।

नेपाली समयअनुसार खेल बेलुकाको सात बजे सिड्नी रंगशालामा शुरु हुनेछ । विश्वकपमा सबैभन्दा धेरै उपाधि जित्दै शीर्ष स्थानमा रहेको अस्ट्रेलियाविरुद्ध अंक खोज्ने लक्ष्यसहित भारतीय महिला टोली मैदान उत्रिनेछ ।

विश्वकपमा अस्ट्रेलिया, भारत, इङ्ग्ल्यान्ड, न्युजिल्यान्ड, वेष्ट इन्डिजसहित १० टोली सहभागी छन् ।

महिला विश्वकप सन् २००९ देखि शुरु भएको थियो । जसमा अहिलेसम्म अस्ट्रेलियाले ४ पटक विश्वकपको उपाधि उचालेको छ भने इङ्ग्ल्यान्ड र वेष्ट इन्डिजले समान एक–एक पटक उपाधि उचालेको हो ।

.महिला विश्वकपमा भारत भने फाइनलसम्म पनि पुग्न सकेको छैन् ।