नेपाल एपीएफ स्कुल कपको फाईनलमा नेपाल पुलिस र ग्रिन भिलेज एजुकेशन फाउण्डेशन स्कुल

काठमाडौं,५ फागुन । नेपाल एपीफ स्कुल, कीर्तिपुर-४ काठमाण्डौँको आयोजनामा छैटौँ नेपाल एपीफए स्कुल कप फुटबल प्रतियोगिता अन्तर्गत आज मिति २०७६।११।०५ गते सेमी फाईनल चरणका २ खेलहरु सम्पन्न भएका छन् ।

पहिलो खेलमा ल्याब्रोटरी मा.बि.लाई २-१ ले पराजित गर्दै ग्रिन भिलेज एजुकेशन फाउण्डेशन स्कुल फाईनलमा पुग्न सफल भएको छ । त्यस्तै ग्रिन भिलेज एजुकेशन फाउण्डेशन स्कुलको तर्फबाट गोविन्द सिंहले २ गोल गरेका छन् भने ल्याब्रोटरी मा.बि. का तर्फबाट रमेश के.सी.ले १ गोल फर्काएका छन् । त्यसैगरी आज भएको दोस्रो सेमी फाईनल खेलमा हारती शिक्षा मन्दिरलाई २-० को गोल अन्तरले पराजित गर्दै नेपाल पुलिस स्कुलले फाईनलको यात्रा तय ग¥यो । नेपाल पुलिस स्कुलको तर्फबाट सन्देश तामाङ्गले १ गोल र आत्मघाती १ गोल भएको थियो ।

आज सम्पन्न २ खेलहरुमा उपविजेता भएका ल्याब्रोटरी मा.बि. विरुद्ध हारती शिक्षा मन्दिरबीच मिति २०७६।११।०७ गते बिहान ठिक १०:०० बजे तेस्रो स्थानको लागी खेल हुनेछ । त्यसैगरी फाईनल खेल नेपाल पुलिस स्कुल विरुद्ध ग्रिन भिलेज एजुकेशन फाउण्डेशन स्कुलबीच यहि मिति २०७६।११।०८ गते बिहान १०:०० बजे नेपाल एपिएफ स्कुल स्टेडियम क्रिर्तिपुरमा हुने नेपाल एपिएफ स्कुल खेलकुद कार्यक्रमका संयोजक राज कुमार प्याकुरेलले बताउनु भयो ।