‘ए’ डिभिन लिग: फ्रेन्ड्समाथि पुलिसको सहज जित

काठमाडौं । विभागीय टोली नेपाल पुलिस क्लबले शहिद स्मारक ‘ए’ डिभिन लिग फुटबलमा फ्रेन्ड्स क्लबमाथि सहज जित निकालेको छ ।भेट्रान्स स्ट्राइकर जुमानु राईले ह्याट्रिक गरेपछि पुलिसले सहज जित निकालेको हो ।

एन्फा कम्प्लेक्स सातदोबाटोमा बिहीबार भएको लिगको आफ्नो अन्तिम खेलमा पुलिसले फ्रेन्ड्सलाई ३–० गोलले हराएको हो । जितसँगै पुलिस तालिकाको पाँचौं स्थानमा छ । पुलिसले १३ खेलबाट २० अंक बनाएको छ । १४ अंक बनाएको फ्रेन्ड्स १०औं स्थानमा छ ।

पुलिसको जितमा जुमानु राईले ह्याट्रिक गरे । पहिलो हाफमा गाल रहित बराबरीमा रोकिएको पुलिसले सबै गोल दोस्रो हाफमा गरेको थियो । ४९औं मिनेटमा हेमन्त श्रेष्ठको स्थानमा मैदान प्रवेश गरेका जुमानुले लगत्तै गोल गरेका थिए । उनले ५६औं र ८५औं मिनेटमा गोल गर्दै पुलिसको जित सहज बनाए । जुमानु म्यान अफ दी म्याच भए । उनले १० हजार रुपैयाँ पुरस्कार पनि पाए ।