चीनमा कोरोनाबाट एकै दिनमा २४२ को मृत्यु, ४८ हजार संक्रमित

काठमाडौं, फागुन १ ।चीनमा कोरोनाबाट एकै दिनमा २४२ को मृत्यु भएको छ । चीनको हुबेइ प्रान्तमा नयाँ कोरोनाभाइरस संक्रमण भएका २ सय ४२ जनाको बुधबार मृत्यु भएको सरकारी अधिकारीहरूले पुष्टि गरेका छन्।

साथै उक्त भाइरसबाट मृत्यु हुनेको संख्या १ हजार ३ सय ५० पुगेको छ भने बिरामीको संख्या झन्डै ६० हजार पुगिसकेको छ । कोभिड–१९ नाम दिइएको उक्त भाइरस प्रकोप फैलिएपछि एकै दिनमा मृत्यु हुनेको यो सर्वा्धिक संख्या हो । नयाँ संक्रमण भएका मानिसको संख्याा पनि ह्वातै बढेको छ ।साथै थप १४ हजार ८ सय ४० मानिसहरुमा उक्त भाइरसको संक्रमण भएको पुष्टि भएको छ ।

चिनियाँ सरकारी सञ्चार माध्यमका अनुसार यसैबीच चिनियाँ कम्युनिस्ट पार्टीले हुबेइ प्रान्तका सचिव हटाएर शाङगाईका पार्टी प्रमुखलाई पठाइएको छ । हुबेमा कोरोनाभाइरसको प्रकोप फैलिएपछि पार्टी पदाधिकारीमा गरिएको यो सबैभन्दा ठूलो परिवर्तन हो । केही दिनअघि सरकारले स्वास्थ्य सेवाबाट केही अधिकारीलाई पदमुक्त गरेको थियो।

चीनमा भाइरस संक्रमित भएका मध्ये ८० प्रतिशत मानिस हुबेइका छन् । उक्त प्रान्तले अहिले चिकित्सकीय रूपमा रोग निदान भएका मानिसलाई मात्र संक्रमण पुष्टि भएको तथ्याङकमा राखेका छन् ।

नयाँ संक्रमण भएका कुल १४ हजार ८ सय ४० मध्ये १३ हजार ३ सय ३२ जनामा नयाँ विधिबाट रोग लागेको पुष्टि भएको थियो। अहिलेसम्म उक्त प्रान्तमा संक्रमण भएका व्यक्तिको संख्या ४८ हजार २ सय ६ पुगेको छ।