पेस्तोलसहित विप्लवका जिल्ला इन्चार्ज पक्राउ

काठमाडौं, माघ २६ । बैतडीबाट पेस्तोलसहित विप्लवका कार्यकर्ता पक्राउ परेका छन् । बैतडीमा बिप्लब नेतृत्वको प्रतिबन्धीत नेकपाका युवा संगठन जिल्ला इन्चार्ज लोकेन्द्र धामी पक्राउ परेका हुन् ।

आइतबार दिउँसो दोगडाकेदार गाँउपालिका वडा न. ७ सित्तडबाट १ थान पेस्तोल र पर्चा, पम्पलेटहरु सहित धामीलाई पक्राउ गरेको जिल्ला प्रहरी कार्यालय बैतडीका प्रमुख प्रहरी नायव उपरिक्षक डिल्लि नारायण पाण्डेले जनाकारी दिए ।

पक्राउ परेका धामीलाई जिल्ला प्रहरी कार्यालयमा ल्याइएको प्रहरीले जनाएको छ । यसअघि जिल्ला सदस्य स्याम भट्टलाई समेत प्रहरीले पक्राउ गरेको थियो ।