ए डिभिजन लिगः थ्रिस्टार तेस्रो स्थानमा उक्लियो

काठमाडौं । सहिद स्मारक ए डिभिजन लिग फुटबलको तेस्रो स्थानमा उक्लिएको छ । हमालयन शेर्पामाथि जित निकाल्दै थ्रिस्टार क्लब जारी लिगको तेस्रो स्थानमा उक्लिएको हो ।

आठौं चरणको बिहीबार भएको खेलमा हिमालयन शेर्पामाथि ३–१ को जित निकाल्दै थ्रिस्टार लिगको तेस्रो स्थानमा उक्लिएको हो । थ्रिस्टारको जितमा विदेशी खेलाडी हाजमतसँगै सन्जोग राइ र शुसिल राइले गोल गरे । शेर्पाका स्टेफन समिरले १ गोल फर्काएपनि हार टार्न सकेनन् ।

त्रिपुरेश्वरस्थित दशरथ रंगशालामा खेल सूरु भएको ६ मिनेटमा नै थ्रिस्टारले अग्रता बनाएको थियो । लालले दिएको पास शुसिलले सदुपयोग गर्दै टोलीलाई अग्रता दिलाएका थिए ।

जितसँगै थ्रिस्टार ८ खेलबाट १४ अंक जोड्दै लिगको तेस्रो स्थानमा उक्लिएको छ । थ्रिस्टारले शीर्ष स्थानमा रहेका आर्मी र मच्छिन्द्रसँगको अंकदूरी २ मा घटाएको छ ।

पराजित शेर्पा ८ खेलबाट ७ अंकसहित लिगको ११ औं स्थानमा छ । लिगको दोस्रो खेलमा अहिले जावलाखेल युथ क्लब र एपीएफ खेलिरहेका छन् ।