दोस्रो मैत्रीपूर्ण खेलमा नेपालको दोस्रो जित, ज्ञानेन्द्रको अर्धशतक

काठमाडौं, माघ ७ । मलेसिया-११ विरुद्धको दोस्रो मैत्रीपूर्ण खेलमा नेपालले दोस्रो जित निकालेको छ । नेपालले १७० रनको फराकिलो जित निकाल्दै दोस्रो जित निकाल्न सफल भएको हो ।यसअघि पहिलो खेलमा पनि नेपाल-११ विजयी भएको थियो।

२ सय ९१ रनको लक्ष्य पछ्याएको मलेसिया-११ ले २८.४ ओभरमा सबै विकेट गुमाउँदै १२० रन मात्रै बनाउन सक्यो। नेपाललाई विजयी बनाउने क्रममा किशोर महतो र ललित राजवंशीले समान ३र३ विकेट लिए।

नेपालका लागि सुशन भारीले २ विकेट लिए। गतिलो सुरुवात गरेको नेपालले ५४ रनमा पहिलो विकेट गुमाएको थियो। नेपाल-११ का ज्ञानेन्द्र मल्लले सर्वा्धिक ५५ रनको पारी खेले।

त्यसैगरि सुवास खकुरेल ४८, सुनिल धमलाले २४ र ज्ञानेन्द्र मल्लले अर्धशतकीय पारी खेले। यस्तै रोहित पौडेलले पनि नेपालका लागि अर्धशतक बनाए। उनले ५३ रन जोडे। लोकेश बमले ३२ रन बनाउँदा बिनोद भन्डारीले २१ थपे। बाँकी खेलाडीमा पवन शरफ १२, सुसान भारी १६, किशोर महतो एक रन जोडे ।