ए डिभिजन लिगः मच्छिन्द्र लिगको शीर्ष स्थानमा उक्लियो

काठमाडौं, पुस २६ । सहिद स्मारक ए डिभिजन लिगमा जाउलाखेललाई हराउँदै मच्छिन्द्र लिगको शीर्ष स्थानमा उक्लिएको छ । आज भएको खेलमा जाउलाखेललाई हराउँदै मच्छिन्द्र क्लबले जित निकालेको छ ।

दशरथ रंगशालामा भएको खेलमा मच्छिन्द्रले जाउलाखेल युथ क्लबलाई १–० ले पराजित गरेको हो । मछिन्द्रका लागि विशाल राईले गरेको गोल नै निर्णायक बन्न पुग्यो ।

जितसँगै मच्छिन्द्रले ६ खेलमा १३ अंक सहित शीर्ष स्थानमा उक्लिएको छ । जाउलाखेलको ६ खेलमा नौ अंक रहेको छ । जारी लिगमा जाउलाखेलको यो पहिलो हार हो ।