ए डिभिजन लिगः बीबीसीलाई ३–१ ले पराजित गर्दै थ्रिस्टारको शानदार जित

काठमाडौं ।सहिद स्मारक ए डिभिजन लिग फुटबलमा थ्रिस्टार क्लब विजय भएको छ । ब्रिगेड ब्वाइज क्लब (बीबीसी) माथि उसले शानदार जित निकाल्दै वजय हासिल गरेको हो ।

लिगको मंगलबार भएको पाँचौं चरणको खेलमा बीबीसीमाथि ३–१ को नतिजा निकाल्दै थ्रिस्टारले शानदार जित निकालेको हो । थ्रिस्टारको जितमा अनन्त तामाङ, सुसान श्रेष्ठ र विदेशी खेलाडी हम्जातले गोल गरे । बीबीसीका रोशन राना मगरले १ गोल गरे पनि हार टार्न सकेनन् ।

त्रिपुरेश्वरस्थित दशरथ रंगशालामा पहिलो हाफमा २ गोल गरेको थ्रिस्टारले दोस्रो हाफमा १ गोल थपेको हो । १५ औं मिनेटमा सुसान्तको गोलबाट अग्रता लिएको थ्रिस्टारले ४१ औं अग्रता दोब्बर बनाएको हो ।

थ्रिस्टारका लागि दोस्रो गोल मिक्चेन तामाङको क्रसमा अनन्तले गरेका हुन् ।
आजको जितसँगै थ्रिस्टारले जारी लिगमा तेस्रो जित दर्ता गरेको छ । लिगको दोस्रो खेलमा विभागीय क्लब नेपाल पुलिस र च्यासल युथ क्लबबीच प्रतिस्पर्धा हुनेछ । खेल दिउँसोे ३ बजे सुरु हुनेछ ।