१३ औं साग : क्रिकेटमा स्वर्ण जित्ने नेपालको सपना चकनाचुर

काठमाडौं, मंसिर २१ । १३ औ दक्षिण एसियाली खेलकूद (साग) अन्तर्गत त्रिकेटमा स्वर्ण जित्ने नेपालको सपना विफल भएको छ।

लिग चरणको अन्तिम खेलमा नेपाल बंगलादेश यु–२३ टिम संग ४४ रनले पराजित भएसंगै नेपालको फाइनल यात्रा सकिएको हो। चार खेल मध्ये दुई खेलमा जित र दुई खेलमा हार व्यहोरेको नेपालले कास्य पदकको लागि भने प्रतिस्पर्धा गर्न पाउने छ।

हाल ४ अंक सहित नेपाल तेस्रो स्थानमा छ। नेपालसंग विजयी भएको बंगलादेश यु–२३ टिम भने फाइनल प्रवेश गरिसकेको छ। त्यस्तै श्रीलंकाको यु–२३ टिम यस अघि नै फाइनल प्रवेश गरिसकेको छ।

स्वर्ण पदकको लागि बंगलादेश र श्रीलंकाबीच प्रतिस्पर्धा हुनेछ। त्यस्तै कास्य पदकको लागी भने नेपालले माल्दिभ्स र भूटनबीचको विजयीसंग प्रतिस्पर्धा गर्नेछ।