१३औं सागः खो–खो खेलमा नेपालको विजयी सुरुवात

काठमाडौं, मंसिर १५ । १३औं दक्षिण एसियाली खेलकुद (साग) को खो–खो खेलमा नेपाल विजय भएको छ । कीर्तिपुरस्थित नयाँ बजारमा आइतबार भएको उद्घाटन खेलमा बंगलादेशलाई हराउँदै नेपालले विजयी सुरुवात गरेको छ ।

नेपाली पुरुष टिमले बंगलादेशलाई २१–१९ अंकले पराजित गरेको हो । योसँगै नेपालले तीन अंक बनाएको छ । अब नेपालले सोमबार दोस्रो खेलमा भारतसँग भिड्ने छ । आइतबार नै भएको खेलमा भारतले श्रीलंकालाई २१–८ अङ्कले पराजित गरेको थियो ।

पाकिस्तान, भुटान र माल्दिभ्स सहभागी नभएको खोखो राउन्ड रोबिनको आधारमा सञ्चालन भइरहेको छ । यसैबीच सागको आज उद्घाटन गर्ने तयारी पनि गरिएको छ । सागको उद्घाट एक भव्य समारोहका बिच हुने भएको छ । यसका लागि तयारी निकै भइरहेको छ ।

खेलको उद्घाट् राष्ट्रपति विद्यादेवि भण्डारीले गर्नेछीन् । कार्यक्रमा विभिन्न सांस्कृति तथा कला प्रदर्शन गरिने भएको छ ।