साग महिला फुटबलमा ४ राष्ट्रले मात्र प्रतिस्पर्धा गर्ने

काठमाडौँ, मंसिर ६ । १३ औँ साग डीसेम्बर १ देखि नेपालमा सुरु हुँदै छ। महिला फुटबल पोखरा रंगशालामा हुने छ। १३ औं दक्षिण एसियाली खेलकुद (साग) अन्तर्गत महिला फुटबलमा चार राष्ट्रले मात्र प्रतिस्पर्धा गर्ने भएको छ ।

नेपालसहित श्रीलंका, भारत र मालदिभ्सल मात्र नाम पठाएका हुन्। प्रतियोगिताको प्राविधिक समितीका अनुसार पाकिस्तान, भुटान र बंगलादेशले सहभागी हुन नाम पठाएका छैनन्।

अन्तिम नाम पठाउने समय बुधबार सकिएको थियो। सागमा २ संस्करणअघिदेखि महिला फुटबल समावेश गर्न थालिएको हो।

दुवैमा नेपाली टोलीले रजत जितेको थियो। फाइनलमा भारतले नेपाललाई हराएर दुवैपटक स्वर्ण जितेको हो।