कुवेतसँग खेल्ने नेपाली टोलीको एन्फाद्वारा घोषणा, को को परे ?

काठमाडौं, कात्तिक २९ । कुवेतसंग फिफा विश्वकप छनोट खेलका लागि अखिल नेपाल फुटबल संघ एन्फा ले शुक्रबार नेपाली टोलीको घोषाणा गरेको छ ।

नेपालले भुटानको थिम्पुका कुवेतसँग खेल्न लागेको फिफा विश्वकप छनोट खेलका लागि राष्ट्रिय फुटबल टोलीको घोषणा गरिएको हो ।

यसअघि दशथ रंगशालाका लागि तय भएको नेपालको होम गेम रंगशालाको निर्माणले पूर्णता नपाएपछि थिम्पुमा हुन लागेको हो ।

विश्वकपमा नेपाल समूह ‘बी’ मा छ । यस समूहमा नेपाल सहित कुवेत, जोर्डन, अष्ट्रेलिया र चाइनेज ताईपेई रहेका छन् । नेपाल पहिलो खेलमा कुवेतसँग उसैको मैदानमा ७–० गोलले पराजित भएको थियो ।

नेपालसँग खेल्नुअघि बिहिबार राति कुवेतले चाइनेज ताइपेईलाई ९–० गोलले पराजित गरेको छ । समूहको शीर्ष स्थानमा रहेको अष्ट्रेलियाले बिहिबार रातिनै जोर्डनलाई १–० गोलले हराएको छ । नेपालले कुवेतसँग मंसिर ३ गते थिक्पुमा छनोट खेल खेल्ने भएको छ ।

टोलीमा को को छन् ?
गोलरक्षक स् किरण चेम्जोङ (कप्तान), विकेश कुथु र विशाल श्रेष्ठ
रक्षक स् सरोज दाहाल, अजित भण्डारी, दिनेश राजवंशी, अनन्त तामाङ, देवेन्द्र तामाङ, रजिन धिमाल र सुमन अर्याल
मिडफिल्डर स् रोहित चन्द, सुनिल बल, रवि पासवान, अन्जन बिष्ट, सुजल श्रेष्ठ, बिक्रम लामा, तेज तामाङ, सन्तोष तामाङ र मिक्छेन तामाङ
स्ट्राईकर स् भरत खवास, विमल घर्तीमगर, नवयुग श्रेष्ठ र अभिशेक रिजाल ।