रोनाल्डोको ह्याट्रिकमा पोर्चुगलको फराकिलो जित, युरोकप छनोट नजिक पुग्यो
काठमाडौं, कात्तिक २९ । लिथ्वानियालाई ६–० ले हराउँदै पोर्चुगल युरोकप छनोट नजिक पुगेको छ । पोर्चुगलले आफ्नो मैदानमा लिथ्वानियालाई हराउँदा क्रिष्टियानो रोनाल्डोले ह्याट्रिक गरे । यो ह्याट्रिकसँगै रोनाल्डोले अन्तर्रा्ष्ट्रिय गोल संख्या ९८ पुर्याएका छन् ।
सातौँ मिनेटमा पेनाल्टीमार्फत गोल गर्दै रोनाल्डोले पोर्चुगललाई अग्रता दिलाएका थिए । २२औँ मिनेटमा उनले अग्रता दोब्बर बनाए । पहिलो हाफमा दुई गोल गरेको पोर्चुगलले दोस्रो हाफमा चार गोल थप्यो ।
५२औँ मिनेटमा पिज्जीले गोल गरे । ५६ औँ मिनेटमा गोन्कालो पासिन्सिया र ६३औँ मिनेटमा बर्नार्डो सिल्भाले गोल गरेपछि पोर्चुगलले ५–० को अग्रता लियो । त्यसको दुई मिनेटपछि बर्नार्डो सिल्भाको पासमा रोनाल्डोले ह्याट्रिक पूरा गर्दा पोर्चुगलले ६–० को जित निकाल्यो । पोर्चुगलका लागि रोनाल्डोको यो नवौँ ह्याट्रिक हो ।
जितसँगै पोर्चुगलले समूहमा १४ अंक बनाएको छ ।
प्रतिक्रिया दिनुहोस्