घरेलु टोलीलाई पराजित गर्दै नेपाल एभिसी सेन्ट्रल जोन भलिबलको फाइनलमा

काठमाडौं । नेपाल एभिसी सेन्ट्रल जोन भलिबलको फाइनलमा प्रवेश गरेको छ ।
नेपाली महिला राष्ट्रिय भलिबल टोली बंगलादेशमा जारी एसियन महिला सेन्ट्रल जोन भलिबल च्याम्पियनसिपको फाइनलमा प्रवेश गरेको हो ।

मंगलबार भएको लिगको तेस्रो खेलमा नेपालले घरेलु टोलीालई सोझो सेटमा पराजित गर्दै एक खेल अगावै फाइनल पुग्न सफल भएको हो ।

नेपाली टोलीले यसअघि पहिलो खेलमा अफगानिस्तान र किर्गिस्तानलाई सोझो सेटमा पराजित गरेको थियो । घरेलु टोलीविरुद्ध नेपालले पहिलो सेटमा २५–५ को जित निकालेको थियो । तुलनात्मक रुपमा कमजोर टोलीलाई नेपालले दोस्रो सेटमा नेपालले २५–६ले जितेको थियो ।

नेपालले अन्तिम सेटमा २५–६ को नतिजामा तेस्रो सेट आफ्नो पक्षमा पार्यो । जितसँगै तीन खेलबाट ९ अंक जोड्दै नेपालले फाइनलमा स्थान बनाइसकेको छ ।

दोस्रो स्थानमो माल्दिभ्सको ८ अंक छ । बिहीबारसम्म चल्ने प्रतियोगितामा नेपालसहित आयोजक बंगलादेश, माल्दिभ्स, किर्गिस्तान र अफगानिस्तान सहभागी छन् । विभिन्न देश सहभाग्ति रहेको खेलमा निकै नै प्रतिस्पर्धा भइरहेको छ ।