हिमालयन क्रिकेट लिग आगामी पुसको तेस्रो साताबाट हुने

काठमाडौं , कात्तिक २४ । हिमालयन क्रिकेट लिग आगामी पुसको तेस्रो साताबाट हुने आयोजकले जनाएको छ । हिमालय क्रिकेट लिग (एचसीएल) दुई दिवसीय यू–१९ किकेट प्रतियोगिता आगामी पुसमा हुने भएको हो । ।

दोस्रो संस्करणको प्रतियोगिता पुुस तेस्रो साताबाट सुरु हुने भएको छ । आइतबार आयोजक वाईवाई ग्रेट हिमालय क्रिकेट एकेडेमीले पत्रकार सम्मेलन गर्दै प्रतियोगिता पुस १९ गतेबाट माघ ४ गते सम्म आयोजना हुने जनाकारी दिएको हो ।

प्रतियोगितामा देशभरका ६ क्लब र एकेडेमीले प्रतिस्पर्धा गर्ने छन् । सहभागी ६ टिमलाई दुई समूहमा विभाजन गरेर समूहको शीर्ष टोलीले उपाधिका लागि प्रतिस्पर्धा गर्ने भएको छ ।

प्रतियोगिता दुई दिवसीय ढाँचामा हुनेछ । प्रतियोगितामा विजेता, उपविजेता र उत्कृष्ट खेलाडीले पाउने पुरस्कार रकम तोकेको छैन । यसको रकम आयोजकले केही दिनमा तोक्ने जनाकारी दिएको छ ।