बिच भलिबल टोली श्रीलंका प्रस्थान , अभ्याससँगै खेल पनि खेल्ने

काठमाडौं , कात्तिक १७ । नेपाली बिच भलिबल टोली श्रीलंका प्रस्थान गरेको छ ।
तेह्रौं दक्षिण एसियाली खेलकुद (साग)को तयारीमा रहेको नेपाली बिच भलिबल टोली विशेष अभ्यासका लागि श्रीलंका प्रस्थान गरेको हो ।

महिला तथा पुरुष राष्ट्रिय बिच भलिबल टोली विशेष अभ्यासका लागि श्रीलंका प्रस्थान गरेको हो । १० दिने श्रीलंका बसाइका क्रममा टोलीले अभ्याससँगै खेल पनि खेल्नेछ ।

पुरुषतर्फको टोलीमा मानबहादुर श्रेष्ठ, सञ्जु विक्रम शाह, दिल सुनुवार र राजु विक छन् । महिलातर्फ पूर्व राष्ट्रिय भलिबल टिमकी कप्तान बिनिता बुढाथोकी, कोपिला उप्रेती, नेबिका चौधरी र मनिषा चौधरी रहेकी छिन् । टोलीको हिजो विदाइ गरिएको थियो ।