इंग्लीश प्रिमियर लिगमा लिभरपूल र म्यान्चेस्टर युनाईटेड विजयी

काठमाडौं , कात्तिक ११ । इंग्लीश प्रिमियर लिग फुटबलमा लिभरपूल र म्यान्चेस्टर युनाईटेड विजयी भएका छन् ।

गएराती भएको खेलमा शिर्ष स्थानको लिभरपूलले टोटनह्याम हट्सपरलाई २–१ ले हरायो ।

लिभरपूलको मैदान एन्फील्डमा टोटनह्यामका ह्यारी केनले पहिलो मिनेटमै गोल गर्दैै पाहुना टोलीलाई शुरुवाती अग्रता दिए ।

तर दोस्रो हाफमा लिरभपूलका जोर्डन हेन्डर्सन र मोहोमद सालाहले एक एक गोल गर्दै टोलीलाई विजयी गराए ।

प्रिमियर लिग फुटबलकै अर्को खेलमा म्यान्चेस्टर युनाईटेडले नरिच सिटीलाई ३–१ ले हरायो ।

म्यान्चेस्टर युनाईटेडको जितमा स्कट म्याक्टोमनी, मार्कस रास्फोर्ड र एन्टोनी मार्टियलको एक एक गोल सामेल थियो ।

गएराती भएको अर्को खेलमा आर्सनलले क्रिष्टल प्यालेससँग २–२ गोलको बराबरी खेल्दा न्युकासल युनाईटेड र वुल्भरह्याम्पटन वान्डरर्स १–१ गोलको बराबरीमा रोकिएका छन् ।

प्रिमियर लिग फुटबलमा १० औं चरणका खेलहरु सकिंदा २८ अंकसहित लिभरपूल शिर्ष स्थानमा रहेको छ ।

दोस्रो स्थानको म्यान्चेस्टर सिटीको २२ अंक छ भने २० ÷२० अंक जोडेका लेष्टर सिटी र चेल्सी क्रमशः तेस्रो तगा चौथो स्थानमा रहेका छन् ।