अन्तराष्ट्रिय मैत्रीपूर्ण फुटबल खेलेर यू-२३ टिम स्वदेश फिर्ता

काठमाण्डौ , कात्तिक १० । मंसिरमा काठमाण्डौमा हुन लागेको १३ औं दक्षिण एसियाली खेलकुद सागको तयारीमा रहेको नेपाली फुटबल टिम स्वदेश फिर्ता भएको छ ।

नेपालको यू(२३ टिम मैत्रीपूर्ण प्रतियोगिता खेलेर कतारबाट फर्किएको हो । कतारमा नेपालले म्यानमारसँग मैत्रीपूर्ण फूटबल खेलेको थियो । जसमा नेपाल र म्यानमार दुई(दुई गोलको बराबरीमा रोकिएका थिए ।

नेपाल सागको तयारीमा छ भने म्यानमार आसियानको तयारीमा रहेको हो । शुक्रबार राति भएको म्यानमारविरुद्धको खेलमा नेपालले २ पटक अग्रता लिए पनि जोगाउन भने असफल भएको थियो ।

आइतबार स्वदेश फिर्ता भएको नेपाली फुटबल टिमलाई अखिल नेपाल फुटबल संघ एन्फाका पदाधिकारीले स्वागत गरेका थिए ।