लमजुङमा भ्यान दुर्घटना : ६ जना…
काठमाडौं, असोज २९। लमजुङमा भ्यान दुर्घटना हुँदा ६ जना घाइते भएका छन् ।
सुन्दरबजार नगरपालिका ७ पाउँदीमा म्याजिक भ्यान दुर्घटना हुँदा ६ जना घाइते भएका हुन् ।
प्रहरीकाअनुसार घाइते हुनेहरुमा उदयबहादुर मल्ल, सम्झना शाही, लक्ष्मी शाही, मन्दिरा रिमाल नेपाली, सिर्जना नेपाली रहेको र एक जनाको परिचय खुलेको छैन ।
घाइतेमध्ये दुई जनालाई उपचारका लागि चितवन, एक जनालाई काठमाण्डौ पठाइएको र तीन जनाको सुन्दरबजारको कर्मदा हस्पिटलमा उपचार भैरहेको प्रहरीले जनाएको छ ।
पाउँदी(बोराङखोला रुटमा चल्दै आएको ना१ज ७४१५ नम्बरको सेतो म्याजिक भ्यान बुधबार दिउँसो एक बजे राइनासतर्फ जाने पाउँदी सडकबाट झण्डै ३० मिटर तल खस्दा ६ जना घाइते भएको इलाका प्रहरी कार्यालय भोटेओडारले जनाएको छ ।
चालकको खोजी भैरहेकोे जिल्ला प्रहरी कार्यालय लमजुङका प्रमुख प्रहरी नायब उपरीक्षक (डीएसपी) रविन्द्रमान गुरुङले बताए । घटनाबारे थप अनुसन्धान भैरहेको पनि उनले बताए ।
प्रतिक्रिया दिनुहोस्