ग्लोबल आईएमई बैंकले साँढे दुई अर्ब लाभांश दिने
काठमाडौं , असोज १४ । ग्लोबल आईएमई बैंकले सेयरधनीलाई साँढे दुई अर्ब लाभांश दिने भएको छ । चुक्ता पुँजीको २५.५ प्रतिशत अर्थात दुई अर्ब ६२ लाख रुपैयाँ बराबरको लाभांश दिन लागेको हो ।
बैंकले गत वर्षको नाफाबाट सेयरधनीलाई एक अर्ब ३१ करोड रुपैयाँ बोनस र एक अर्ब ३१ करोड रुपैयाँ नगद गरी सो मात्राको लाभांश दिने प्रस्ताव गरेको हो ।
बैंकको मंगलबार बिहान बसेको कम्पनी सञ्चालक समितिको बैठकले सेयरधनीलाई बराबर दरमा बोनस र नगद लाभांश वितरण गर्ने प्रस्ताव गरेको हो । समितिले प्रतिशतका आधारमा १२.७५ प्रतिशत बोनस र १२.७५ प्रतिशत नगद लाभांश वितरण गर्ने प्रस्ताव गरेको छ ।
संचालक समितिको उक्त प्रस्तावलाई नेपाल राष्ट्र बैंकले स्वीकृति तथा बैंकको आगामी वार्षिक साधारण सभाले पारित गर्नुपर्ने छ ।
हाल बैंकको चुक्ता पुँजी १० अर्ब ३१ करोड रुपैयाँ रहेको छ । १२.५ प्रतिशत बोनस सेयर पछि कम्पनीको चुक्ता पुँजी ११ अर्ब रुपैयाँ नाघ्ने छ ।
प्रतिक्रिया दिनुहोस्