दशैँको लागि नयाँ नोट वितरण सुरु, कहाँ कहाँ बाट पाइन्छ ? (सूचीसहित)

काठमाडौं, १० असोज । नेपाल राष्ट्र बैंकले आज असोज १० गतेदेखि दशैँको लागि नयाँ नोट सटही सुरु गरेको छ । राष्ट्र बैंकले देशका विभिन्न स्थानबाट नोट सतहीको ब्यबस्था मिलाएको छ ।

बैंकका अनुसार एक व्यक्तिले ५, १०, २०, ५० र १०० को एक एक पाकेट गरि कुल १८ हजार ५ सयको नोट साट्न सक्ने छ । त्यो भन्दा बढी नोट चाहनेलाई सुकिला नोट दिईने राष्ट्र बैंकले जनाएको छ । राष्ट्रिय बाणिज्य बैंक र नेपाल बैंकबाट पनि सुकिलो नोट साथै सिमित मात्रमा नयाँ नोट साट्न सकिने राष्ट्र बैंकले जनाएको छ ।

नयाँ नोट साट्न पाइने स्थानः
राष्ट्र बैंकको वालुवाटार कार्यालय ।
नेपाल बैंकको न्युरोड, कीर्तिपुर, महाराजगंज, जोरपाटी, पाटन, लाजिम्पाट र भक्तपुर शाखाबाट ।

राष्ट्रिय बाणिज्य बैंकको केन्द्रीय कार्यालय, सिंहदरबार परिसरको कार्यालय र टेकु, नयाँ बानेश्वर, सानो थिमी, विशालबजार, नक्साल, बालाजु, लुभु र टोखा शाखाबाट ।

कृषि विकास बैंकको गौशाला, गट्ठाघर, रामशाहपथ, रत्नपार्क, थानकोट र पुल्चोक शाखा बाट ।

उपत्यका बाहिर स् राष्ट्र बैंकको कार्यालय विराटनगर, जनकपुर, बिरगंज, पोखरा, सिद्धार्थनगर, नेपालगञ्ज र धनगढी कार्यालय ।

साथै राष्ट्र बैंकले अन्य बैंक तथा वित्तीय संस्थाबाट पनि सुकिला नोट र सिमित मात्रामा नयाँ नोट साट्न सकिने प्रष्ट पारेको छ । राष्ट्र बैंकले यो पटक कारोब १३ अर्बको नयाँ नोट सतही गर्न लागेको हो ।