सनराइज बैंकको १२ औं वार्षिक उत्सवमा रक्तदान कार्यक्रम

काठमाडौं, १ असोज । सनराइज बैंकले आफ्नो १२औं वार्षिक उत्सवको अवसरमा संस्थागत सामाजिक उत्तरदायित्व अन्तर्गत देशका विभिन्न स्थानमा रक्तदान कार्यक्रम आयोजना गरेको छ ।
डोनेट व्लड सेभ लाईफ “हामी संग संगै” भन्ने नाराको साथ बैंकले काठमाडौको गैरीधारा स्थित प्रधान कार्यलयबाट कार्यक्रमको सुरुवात गरेको थियो ।

कार्यक्रमको उद्घाटन बैंकका प्रमुख कार्यकारी अधिकृत जनक शर्मा पौड्यालले रक्तदान गरेर गर्नुभएको थियो । सोहिदिन बैंकले आफ्नो काँकडभिट्टा , लहान र बुटवल शाखाबाट पनि रक्तदान कार्यक्रम गरेको थियो । आज बैंकले आयोजना गरेको कार्यक्रमहरुमा करिब १५० भन्दा बढीले रक्तदान गरेका छन् । बैंक ले आश्विन महिनालाई १२औं वार्षिक उत्सवपूर्ण महिनाको रmपमा मनाउन विभिन्न १२ विधामा देशभर कार्यक्रमहरु गर्दै जाने जनाएको छ ।