भारतले जित्यो सातौँ पटक एसीसी यू–१९ एसिया कपको उपाधिः बंगलादेश ५ रनले पराजित

काठमाडौं, भदौ २८ । एसीसी यू–१९ एसिया कपको उपाधि भारतले जितेको छ । लगातार दोस्रो तथा समग्रमा सातौँ पटक उमेर समूहको उपाधि जित्ने क्रममा भारतले बंगलादेशलाई ५ रनले हरायो ।

टस जितेर पहिला ब्याटिङ गरेको भारतले ३२ दशमलव ४ ओभरमा सबै विकेट गुमाउँदै १०६ रन मात्रै बनाउन सक्यो । भारतका करण लालले सर्वा्धिक ३७ रन बनाउँदा कप्तान ध्रुव जुरेलले ३३ रनको योगदान गरे ।

यस्तै शास्वत रावतले १९ रन बनाउँदा अरु ब्याट्सम्यानले दोहोरो अंकमा रन बनाउन सकेनन् । जसमा तीन जना ब्याट्सम्यानले खाता नै खोल्न सकेनन् । बंगलादेशका मृत्युञ्जय चौधरी र सहिम हसनले समान तीनरतीन विकेट लिए ।

तन्जिम हसन सकिब र साहिन आलमले समान एकरएक विकेट हात पार्दा भारतका दुई जना ब्याट्सम्यान रन आउट हुन पुगे ।

जवाफमा बंगलादेश सुरुवातदेखि नै दबाबमा रह्यो । जसका कारण बंगलादेश ३३ ओभरमा एक सय एक रनमा अलआउट भयो । बंगलादेशका दुई जना खेलाडीले मात्र दोहोरो अंक छुन सके । जसमा मोहम्मद अकबर अलीले २३ तथा मोहम्मद मृत्युञ्जयले २१ रन बनाए । बंगलादेशले १८ अतिरिक्त रन पाएको थियो ।

१६ रन बनाउँदा चार विकेट गुमाइसकेको बंगलादेशका सुरुवाती चार खेलाडी क्रिजमा टिक्न नसक्दा एकपछि अर्को गर्दै आउट भए । त्यसपछि पाँचौ विकेटका लागि उसले २४ रनको साझेदारी गरेको थियो । तर त्यसपछि पनि उसका खेलाडी क्रिजमा टिक्न नसक्दा ७८ रनमा आठ विकेट खेर फालेको थियो ।

तर अन्तिममा नवौँ विकेटका लागि रकिबुल हसन र तान्जिन हसनले २३ रनको साझेदारी गर्दै टिमलाई जितको नजिक र्पुयाएका थिए । तर अन्तिममा लगातार दुई विकेट गुमाएपछि बंगलादेश उपाधिनजिक पुगेर पनि हार्न पुग्यो । बंगलादेशलाई कम रनमा रोक्न भारतका अथर्वले पाँच तथा आकाशले तीन विकेट लिए ।