सन्दीपले आगामी संस्करणको बिग बास मेलबर्नबाटै खेल्ने
Published On : 12 September, 2019 9:41 am
काठमाडौं , भदौ २६ । नेपाली युवा क्रिकेटर सन्दीप लामिछानेले आगामी संस्करणको अष्टे«लियन क्रिकेट लिग विग बास पनि मेलबर्न स्टार्सबाट नै खेल्ने भएका छन् । डिसेम्बर १७ देखि सुरु हुने लिगमा सन्दीपले मेलबर्न स्टार्सबाट नै खेल्ने भएका हुन् ।
उनले गत संस्करण पनि मेलबर्न स्टार्सबाट नै खेलेका थिए । सन्दीपका म्यानेजर रमन सिवाकोटीका अनुसार उनी मेलबर्न स्टार्सबाट खेल्ने पक्का छ । यद्यपि सम्झौता हुन भने बाँकी छ । दुई दिनमा सम्झौता हुने म्यानेजर सिवाकोटीले बताए । सन्दीपले गत वर्ष विग बासमा मेलबर्नबाट ८ खेल खेल्दै ११ विकेट लिएका थिए ।
सन्दीप हाल क्यारेवियन प्रिमियर लिग खेल्न वेस्ट इन्डिजमा छन् । उनले आज बिहान सम्पन्न खेलमा शानदार प्रदर्शन गर्दै ३ विकेट लिएका थिए ।
प्रतिक्रिया दिनुहोस्