मेयर कप छात्र र छात्रा भलिवल प्रतियोगितामा नेपाल एपीएफ स्कुलको उत्कृष्ट प्रदर्शन (फोटो फिचरसहित)

काठमाडौं १३ भदौ । मेयर कप छात्र र छात्रा भलिवल प्रतियोगितामा नेपाल एपीएफ स्कुलले उत्कृष्ट प्रदर्शन गरेको छ ।
कीर्तिपुर नगरपालिकको आयोजनामा भदौ ७ शनिबारदेखि कीर्तिपुर नगरपालिकाका प्रमुख रमेश महर्जनबाट विधिवत उद्घाटन गरी शुरु भएको सप्ताहव्यापी कीर्तिपुर नगर अन्तर विद्यालय स्तरीय प्रतियोगितामा भलिवल, फुटवल, टेबल टेनिस, चेस र व्याडमिन्टन गरी जम्मा छ विधाका खेलहरुको प्रतियोगिता गराई सम्पन्न भएको छ ।

उक्त प्रतियोगितामा नेपाल एपीएफ स्कुलले टेबल टेनिस, चेस र भलिवल प्रतियोगितामा सहभागि भई प्रत्येक खेलमा उत्कृष्ट प्रदर्शन गरी छात्र भलिवलको फाईनल खेलमा जनसेवा स्कुल कीर्तिपुरलाई सोझो तिन सेटमा हराउँदै प्रथम हुन सफल भएको थियो भने छात्रा भलिवल तर्फ दोस्रो स्थान हासिल गर्न सफल भएको थियो । त्यस्तै टेवल टेनिसमा दोस्रो र चेसमा तेस्रो स्थान समेत हासिल गरेका थिए ।

प्रतियोगितामा उत्कृष्ट प्रदर्शन गर्ने विद्यालय तथा खेलाडी विद्यार्थीहरुलाई कीर्तिपुर नगरपालिकाका प्रमुख तथा उपप्रमुखले मेडल, ट्रफी, प्रमाणपत्र र नगद पुरस्कार वितरण गर्नु भएको थियो ।