एभरेष्ट प्रिमियर लिग (ईपीएल्) क्रिकेट प्रतियोगिता फागुन १७ मा

काठमाडौ, २७ श्रावण । एभरेष्ट प्रिमियर लिग (ईपीएल) क्रिकेट प्रतियोगिता फागुनमा हुने भएको छ । फागुन १७ गतेदेखि चैत १ गतेसम्म प्रतियोगिता सञ्चालन हुनेछ ।

ईपीएल प्रतियोगिताका लागि आईसीसीबाट स्वीकृति समेत प्राप्त भएको प्रबन्ध निर्देशक अमिर अख्तरले जानकारी दिए । आउँदो संस्करणको ईपीएलमा टेस्ट खेल्ने राष्ट्रबाट आइकोनिक प्लेयर राख्ने प्रबन्ध निर्देशक अख्तरले बताए ।

प्रतियोगिता विगतको भन्दा पनि भव्य बनाउने गरी तयारी गरिरहेको उनले जानकारी दिए । प्रतियोगिताको थप जानकारी भने चाँडै अबगत गराउने समेत प्रबन्ध निर्देशक अख्तरले जनाए ।गएको संस्करणको ईपीएलमा भने जम्मा ६ ओटा टिमले प्रतिस्पर्धा गरेका थिए ।