ग्लोबल टि–२० लिग: टोरन्टो प्ले अफमा, सन्दीपले लिए तीन खेलमा तीन विकेट
काठमाडौं , साउन २३ । क्यानाडमा जारी ग्लोबल टि–ट्वेन्टी क्रिकेट लिगमा नेपाली खेलाडी सन्दीप लामिछाने रहेको टोली टोरन्टो नेसनल्स प्ले अफमा प्रवेश गरेको छ ।
गएराति भएको दोस्रो चरणको अन्तिम खेलमा मोन्ट्रीयल टाइगर्सलाई ३५ रनले हराउँदै टोरन्टोले प्ले अफमा ठाउँ बनाएको हो ।
सिएए क्रिकेट मैदानमा टोरन्टोले दिएको १ सय ९० रनको लक्ष्य पछ्याएको मोन्ट्रीयलले १९ ओभर ३ बलमा अलआउट हुनुपूर्व १ सय ५४ रन मात्रै बनाउन सक्यो ।
यो खेलमा सन्दिपले ३ ओभर बलिङ गर्दै १ विकेट झारेका थिए । क्यानडामा जारी ग्लोबल टी २० प्रिमियर लिग क्रिकेटमा सन्दिपको यो तिन खेलमा तेस्रो विकेट हो ।
टोरन्टो प्लेअफमा क्यानडामा जारी ग्लोबल टी २० प्रिमियर लिग क्रिकेटमा नेपाली बलर सन्दीप लामिछानेले आफ्नो तेस्रो खेलमा फेरि विकेट लिन सफल भएका छन् । उनको यो तीन खेलमा तेस्रो विकेट हो ।
टोरन्टो नेश्नल्सका लागि सन्दीपले पुरै चार ओभर बलिङ गर्न भने पाएनन् । मोन्ट्रेल टाइगर्स्विरुद्धको खेलमा सन्दीपले तीन ओभरमा २५ रन खर्चिएर एक विकेट लिन सफल भए ।
सन्दीपले टिमको पाँचौ तथा ब्यक्तिगत पहिलो ओभरमा नौ रन खाए । उनले पहिलो ओभरको अन्तिम दुई बलमा दुई चौका खान पुगेका थिए । त्यसपछि दोस्रो ओभरमा पनि उनले नौ रन नै खर्चिए ।
टोरन्टोले अब प्ले अफ्मा अर्का नेपाली खेलाडी सोमपाल कामीको टिम विनिपेग हक्सविरुद्ध खेल्नेछ ।
प्रतिक्रिया दिनुहोस्