भारतले पाकिस्तानलाई भन्यो : आफ्ना सैन्य जवानहरुको शव लगेर जाओस्

काठमाडौं , साउन १९ । भारतले पाकिस्तानलाई आफ्ना सैन्य जवानहरुको शव लगेर जान भनेको छ ।

समाचार एजेन्सी पीटीआईका अनुसार भारतीय सेनाले पाकिस्तानसँग आफ्ना जवानहरुको शव लगेर जान भनेको हो ।

पीटीआईकाअनुसार पाकिस्तान बोर्डर एक्शन टीम (बीएटी) का जवान जम्मू(कश्मीरको केरन सेक्टरमा हमला प्रयास गरिरहेका थिए । र, भारतीय सेनाको जवाफी कारबाहीमा बीएटीका पाँचदेखि सात जवान मारिएका थिए ।

पीटीआईले सेनालाई उद्धृत गर्दै नियन्त्रण रेखामा भारतीय भूमिमा रहेका जवानहरुको शव लगेर जान पाकिस्तानी सेनालाई भनिएको समाचारमा उल्लेख गरेको छ ।

पीटीआईका अनुसार मारिएका मध्ये चार शव पाकिस्तानी सेनाको स्पेशल सर्भिस ग्रेसप (एसएसजी) का कमाण्डो हुन् ।