ग्लोबल टी-२० क्रिकेट : सोमपालको टिमद्वारा सन्दिपको टिम ३ विकेटले पराजित

काठमाडौं , साउन १४ । क्यानाडामा जारी ग्लोबल टि–ट्वेन्टी क्रिकेट लिगमा नेपाली खेलाडी सोमपाल कामीको टोली विनिपेग हक्सद्धारा सन्दिप लामिछानेको टोली टोरन्टो नेशनल्स पराजित भएको छ ।

गएराती टोरन्टोमा भएको खेलमा पाहुना टोली हक्स ३ विकेटले विजयी भयो । यो खेलमा नेपालका दुबै खेलाडी सन्दिप र सोमपाल सुरुवाती एघारमा परेका थिएनन् ।

सोमपाल र सन्दिप सिंगापुरमा टि–ट्वेन्टी विश्वकप एसिायली छनौट प्रतियोगिता सकाएर अस्तीमात्रै क्यानाडा पुगेका थिए ।

गएरातीको खेलमा पहिले व्याटिङ गरेको टोरन्टोले २० ओभरमा ७ विकेट गुमाएर २ सय १६ रन बनायो । उसका लागि रोड्रिगो थोमसले ६५ रन तथा कायरन पोलार्डले ५२ रन जोडे ।

कप्तान युवराज सिंहको नाममा ४५ रन रह्यो । जवाफमा २ सय १७ रनको विशाल लक्ष्य विनिपेग हक्सले २० ओभरमा ७ विकेट गुमाएर पूरा र्गयो ।

हक्सको जितमा क्रिश लिनको ८९ रन तथा सनी सोहलको ५८ रन महत्वपूर्ण रह्यो ।

नेपालका सन्दिपले यसअपघि पनि क्यानाडमा ग्लोबल टि–ट्वेन्टी लिग खेलिसकेका छन् । सोमपाल भने पहिलो पटक यो प्रतियोगिता खेल्दैछन् ।