म्यानचेस्टर सिटीको सहज जित

म्यानचेस्टर (एजेन्सी) । गए राति प्रिमियर लिगमा शीर्ष स्थानमा रहेको म्यानचेस्टर सिटीले वाटफोर्डमाथि ३–१ को जित हासिल गरेको छ । सिटीको जितमा रहिम स्टेर्लिङले खेल सुरु भएको ३८ सेकेन्डमै गोल गर्दै घरेलु टोलीको खाता खोलेका थिए । उक्त गोल सिजनकै छिटो गोल थियो।

त्यस्तै वाटफोर्डको डिफेन्डर क्रिस्टियन काबासेलिले १३ औं मिनेटमा आत्मघाती गोल गर्दा सिटीले आफ्नो अग्रता दोब्बर बनायो ।

खेलको ६३ औं मिनेटमा स्ट्राइकर सर्जियो अगुएरोले थप एक गोल गरे भने ८२ औं मिनेटमा वाटफोर्डका स्ट्राइकर आन्द्रे ग्रेले एक सान्तवना गोल फर्काए । यस जितसँगै सिटी तालिकाको अग्रस्थानमा १५ अंकले अगाडि रहेको छ ।