तनावपूर्ण अमेरिका–चीन सम्बन्धमा सुधारको संकेत, हुवाईमाथिको प्रतिबन्ध हट्यो

काठमाडौं, असार १५ । तनावपूर्ण अमेरिका र चीनको सम्बन्धमा सुधार आउने संकेत देखिएको छ ।
जापानमा भएको जी–ट्वेन्टी सम्मेलनको क्रममा अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी जिनपिङबिचको वार्तामा रोकिएको दुई देशबिचको व्यापार वार्ता पुनः सुरु गर्ने सहमति बनेपछि सम्बन्ध सुधारको आश जागेको हो ।

पछिल्लो एक वर्षदेखि अमेरिका र चीनबिच व्यापार युद्धको अवस्था छ । दुवै देश एकअर्काको देशका उत्पानमाथि सीमाशुल्क थप गर्ने होडमा लाग्दा विश्वका दुई ठूला आर्थिक शक्ति राष्ट्रबिच व्यापार युद्धको अवस्था आएको हो । यसले विश्व अर्थव्यवस्थामा समेत असर पर्न थालेको विश्लेषकले बताएका छन् ।

अमेरिकी राष्ट्रपति ट्रम्प र चिनियाँ राष्ट्रपति सीबिच दुई देशबिचको व्यापारिक विषयलाई लिएर नयाँ सिराबाट वार्ता सुरु गर्ने सहमति बनेको हो । दुवै देशका नेता अवरुद्ध व्यापार वार्ता पुनः सुरु गर्न सहमत भएका हुन् ।

अमेरिकाले चीनको टेलिकम जाइन्छ हुवाईका उत्पादन अमेरिकाका कम्पनीहरुले बिक्री गर्न दिने भएको छ । अमेरिकी राष्ट्रपति ट्रम्पको यो घोषणाले सम्बन्ध सुधारमा महत्वपूर्ण भूमिका निर्वाह गर्ने विश्लेषण गरिएको छ ।

जापानमा भएको पत्रकार सम्मेलनमा अमेरिकी राष्ट्रपति ट्रम्पले अमेरिकी कम्पनीले पुनः हुवाईको बिक्री गर्न पाउने घोषणा गरेका हुन् । गएको मे मा अमेरिकाको वाणिज्य विभागले हुवाईको बिक्रीमा प्रतिबन्ध लगाएको थिए । तर ट्रम्पले सीसँगको भेटपछि त्यसलाई उल्ट्याएका छन् ।