ग्यास लाइटर उद्योगमा आगलागी : २२ जनाको मृत्यु

काठमाडौं, असार ७ ।एक ग्यास लाइटर उद्योगमा आगलागी भएके छ ।

इन्डोनेसियाको उत्तरी सुमात्रा क्षेत्रमा रहेको उद्योगमा आगलागी हुँदा कम्तीमा २२ जनाको मृत्यु भएको हो भने अन्य केही व्यक्ति घाइते भएका इन्डोनेसियाली अधिकारीले जनाएका छन् ।

उत्तरी सुमात्रा प्रान्तको बिन्जाई शहरमा रहेको उक्त लाइटर उद्योगमा शुक्रबार विहान आगलागी भएको हो ।

स्थानीयबासी, प्रहरी र दमकलको सहयोगमा आगलागी करीब दुई घण्टापछि नियन्त्रणमा लिइएको छ ।

एक प्रत्यक्षदर्शीका अनुसार आगलागी हुनुभन्दा पहिले ठूलो विस्फोटको आवाज सुनिएको र उक्त अवसरमा उद्योगमा कार्यरत प्राय सवै श्रमिक कोठाभित्र रहेका थिए ।