आईसीसी टी–२० विश्वकप छनोट खेल्ने प्रारम्भिक टोलीको घोषणा, को–को परे ?

काठमाडौं ३, असार । सिंगापुरमा हुने आईसीसी टी–२० विश्वकपको छनोटका लागि पहिलो चरणमा २५ जना खेलाडी छनोट गरेको छ । नेपाली टोलीले बिहिवारदेखि प्रसिक्षण थाल्ने छ । यस छनोटमा पहिलो पटक नन्दन यादवले स्थान बनाएका छन भने जितेन्द्र मुखीयाले कमब्या गर्न सफल भएका छन् ।
सिंगापुरमा यहि जुलाई २२ देखि २८ सम्म हुने प्रतियोगिताका लागि पहिलो चरणमा समावेश गरिएका २५ खेलाडी यस प्रकार रहेका छन् ।

क्याम्पमा परेका खेलाडीहरु
पारस खड्का, अभिनाश बोहोरा, अमित श्रेष्ठ, बसन्त रेग्मी, भिम शार्की, विनोद भण्डारी, दिपेन्द्रसिंह ऐरी, ज्ञानेन्द्र मल्ल, जितेन्द्र मुखिया, करण केसी, कुशल भुर्तेल, ललित भण्डारी, ललितनारायण राजवंशी, मोहम्मद आरिफ शेख, नन्दन यादव, पवन सराफ, प्रदिप ऐरी, राजु रिजाल, रोहितकुमार पौडेल, सन्दीप लामिछाने, साहव आलम, शरद भेषवाकर, सोमपाल कामी, सन्दीप जोरा र सुसन भारी रहेका छन्।

प्रशिक्षणमा जितेन्द्रले झण्डै दुई बर्षपछि कमब्याक गरेका हुन । पछिल्लो पटक चोटका कारण पनि उनी मैदान बाहिर रहदै आएका थिए । तर उनले फ्रेन्चाइजी लिग खेलेपनि राम्रो प्रदर्शन गर्न नसक्दा राष्ट्रिय टिमको क्याम्पमा पर्न सकेका थिएनन् । यस्तै युवा खेलाडी अमित श्रेष्ठले पनि पहिलो चरणमा स्थान बनाएका छन् । क्याम्पमा यू–१९ टिमका पूर्व कप्तान राजु रिजालले पनि स्थान बनाएका छन् ।

नेपाली टिमले टी–२० विश्वकपको एशिया छनोट अगाडी एक साताका लागि बैदेशिक प्रशिक्षणको योजना समेत बनाएको छ । सिंगापुरमा हुने प्रतियोगितामा पहिलो खेल २३ जुलाईमा नेपालले कतारसँग पहिलो खेल खेल्नेछ ।