नेसन्स लिगको उपाधि पोर्चुगलले जित्यो, नेदरल्यान्ड्स १–० ले पराजीत

काठमाडौ, २७ जेठ । युईएफए नेसन्स लिग फुटबलको उपाधि पोर्चुगलले हात पारेको छ ।

आइतबार राति भएको फाइनलमा घरेलु टोली पोर्चुगलले नेदरल्यान्ड्सलाई १–० गोल अन्तरले पराजित गर्दै उपाधि चुमेको हो । गुन्जालो गुइडेसको गोलमा पोर्चुगलले उपाधि जित्न सफल भयो । दुवै टिमले पहिलो हाफसम्म गोलरहित बराबरी खेलेका थिए । पोर्चुगलले दबावमा खेलेपनि जित दर्ता गराउन सफल भए ।
पहिलो हाफमा बराबरी खेलेको पोर्चुगलले ६० औं मिनेटमा गोल गर्न सफल भयो । गुन्जालोको गोलबाट पोर्चुगलले अग्रता बनाएको थियो । एक गोलको अग्रता बनाएसँगै पोर्चुगलले रक्षात्मक खेल खेलेको थियो । त्यसपछि वाँकी समय कुनैपनि टिमले गोल गर्न सकेनन् र खेल १–०मा रोक्दै पोर्चुगलले विजयी हात पारेको हो ।